'മനോവിഭ്രാന്തിയുള്ള ചെറുപ്പക്കാരന്‍ നാട്ടുകാര്‍ക്കും വീട്ടുകാര്‍ക്കും ഭീഷണിയാകുന്നു'. കഴിഞ്ഞ ദിവസം ഒരു പ്രധാന പത്രത്തില്‍ വന്ന വാര്‍ത്തയുടെ തലക്കെട്ടാണിത് . ഒരു രോഗമുള്ള ചെറുപ്പക്കാരനെ  ഇതിനപ്പുറം  എങ്ങനെ ക്രൂരമായി ശിക്ഷിക്കാന്‍ കഴിയും . ഇതു എഴുതിയ മാധ്യമപ്രവര്‍ത്തകനെ നാം എന്ത് വിളിക്കണം? ഇത് പ്രസിദ്ധീകരിച്ച പത്രം എന്ത് മാധ്യമധര്‍മ്മമാണ്  കാത്തുസൂക്ഷിക്കുന്നത് ? മാധ്യമവല്‍ക്കരിക്കപ്പെട്ട ഒരു സമൂഹത്തില്‍ എന്തും ഏതും വാര്‍ത്തയാണ് .പക്ഷെ അതിനു പിന്നിലെ ഇരകളെ നാം കാണാതെ പോകരുത് .